ពហុកីឡដ្ឋានជាតិមរតកតេជោដែលជាជំនួយរបស់ចិនឆ្លងកាត់ការត្រួតពិនិត្យដោយជោគជ័យ

ភ្នំពេញ៖ស្ថានទូតចិនប្រចាំកម្ពុជា នៅថ្ងៃទី១៨ សីហា ២០២១ នេះ បានឲ្យដឹងថា ពហុកីឡដ្ឋានដែលជាជំនួយរបស់ភាគីចិនឆ្លងកាត់ការត្រួត ពិនិត្យដោយជោគជ័យ។ កាលពីថ្ងៃទី១៦ ខែសីហា ពហុកីឡដ្ឋានជាតិមរតកតេជោ ដែលជាជំនួយរបស់រដ្ឋាភិបាលចិនបានឆ្លងកាត់ការត្រួតពិនិត្យដោយជោគ ជ័យ។ នេះបានបង្ហាញពីអត្ថន័យសំខាន់នៃ“នាវាមិត្តភាព” រវាងចិននិងកម្ពុជា និងការផ្សារភ្ជាប់រវាងបេះដូងនៃប្រជាជនទាំងពីរ។ គម្រោងខាងលើនេះ មានទំហំ ផ្ទៃដីប្រមាណ១៦.២២ហិកតា ទំហំសំណង់ប្រហែល៨.២៤ ម៉ឺនម៉ែតការ៉េ គឺជាពហុកីឡ ដ្ឋានខ្នាតធំដែលអាចផ្ទុកអ្នក ទស្សនាបានរហូតដល់៦ម៉ឺននាក់។ ពហុកីឡដ្ឋានខាងលើនេះអាចរៀបចំព្រឹត្តិការណ៍ប្រកួតកីឡាអន្តរជាតិនិងការប្រកួតកីឡា បាល់ទាត់អន្តរជាតិខ្នាតធំ និងអាចរៀបចំពិធីថ្នាក់ជាតិក៏ដូច ជាព្រឹត្តិការណ៍ធំៗផ្សេងទៀតបាន។ ពហុកីឡដ្ឋានជាតិមរតកតេជោនឹងក្លាយជាពហុកីឡដ្ឋានដ៏សំខាន់សម្រាប់ការប្រកួតកីឡាអាស៊ីអាគ្នេយ៍ឆ្នាំ២០២៣ខាងមុខនេះផងដែរ។ នេះគឺជាពហុកីឡដ្ឋានទំហំធំបំផុត និងកម្រិតខ្ពស់បំផុតដែលជាជំនួយរបស់រដ្ឋាភិ បាលចិននាបច្ចុប្បន្ននេះ និងជាសមិទ្ធផលផ្លែផ្កានៃកិច្ចសហប្រតិបត្តិការក្រោមក្របខណ្ឌការកសាងគំនិតផ្តួចផ្តើម“ខ្សែក្រវាត់និងផ្លូវ” រវាងចិននិងកម្ពុជា៕ វិទ្យុជាតិកម្ពុជា៖លោកចេម ហួត